🎸 Biographie Rock-Seck ab 2022
…tja, im 2021 het’s bi üs ä chli grumpelt. D’Zämesetzig het sech veränderet, d’Bedürfniss vo jedem Einzelne o. Drum het üse Gründer Tinu d’Band verlah.
Merci Tinu für di fätzige Jahr! 😊
Nach sim Usträte hei mir ä nöie Drummer müesse sueche… u mir hei Glück gha: dr Rönu isch üs im richtige Momänt übere Wäg gloffe. Nach wenige Probe het är üses Repertoire im Sack gha – und scho churz druf si mir für d'OGA 2022 z’Langnou buechet worde. 🔥🎤
Mir hei drum äs ehrgizigs Ziu gha: Bis zu däm Uftritt wieder sattufescht ds si, vou Power, Spiiufreud u zwäg für ds Publikum. 💪🎶
Hüt si mir gäng wieder am Uebe – mau nöii Stück, mau Finish a de Klassiker. U natürlech: Mir träte o i dr abgänderete Zämesetzig uf.
D’Rock‑Seck‑Maschinä louft! 🚀🎸
Rockegi Grüess
Hausi Loosli, Hausi Kohler, Hausi Grunder, Wäutu Hutmacher, Steffu Rüegsegger, Rönu Graf
🎤 Biographie Rock-Seck 2015-2021
Im 2004 hei sech Hausi Loosli und Tinu Zaugg im Quartier Famoos z’Langnou kenneglehrt. Im Pat’s Instrumänteshop het dr Inhaber verzeut, dass im Quartier ä super Pianist wohnt – Loosli Hausi. 🎹✨
Die zwe hei grad Gas gäh: Rock, Pop, Boogie Woogie – aues, was fägt. A chlinere Aläss hei si Lüt chönne Freud mache. 🎶😊
2015 isch’s denn richtig los gange:
Hausi Kohler – dr Sänger mit ere Wahnsinns‑Stimm 🎤🔥
Wäutu Hutmacher – Rhythmusgitarrist, wo eigentlich nume wott schnuppere… u de grad blibe isch 😄🎸
Hausi Grunder – Virtuos uf dr Lead‑Gitarre und o stimmstarch 🎸🎶
D’Band isch innert churzer Zyt zu ere richtige Rock‑Familie zämegwachse. Nume dr Bässeler het no gfählt… bis mir Steffu Rüegsegger gfunge hei. Schnäui Basslöuf, super Groove – perfekt zu üs! 🎸💥
Nach intensive Probe und Diskussione hei mir am 21. Juni 2017 ds Signou ds erschte Konzert gäh. Und vo dert a isch’s geng witer gange: meh Songs, meh Bühnä, meh Erläbniss. 🤘🎉
Mir spiele hüt vor auem Rock‑Coverversione mit eigetem Arrangement, aber schribe o eigeti Stück – aues, was rocket u Freud macht. Für ds Üebe träffe mir üs regeumässig ds Louperswil bi Wäutu, wo mir sini super Infrastruktur dörfe usenang näh. 😉🏡🎵
Mir hoffe, dass mir mit üsem Sound o öich no viu Freud chöi mache! 🤩🎸
Rockegi Grüess
Hausi Loosli, Hausi Kohler, Hausi Grunder, Wäutu Hutmacher, Steffu Rüegsegger, Tinu Zaugg
